Autor Wątek: Adoro te devote  (Przeczytany 9226 razy)

knrdsk1

  • Główny Moderator
  • Przodownik pracy
  • *****
  • Wiadomości: 2558
    • Zobacz profil
    • SŚT
    • Email
Adoro te devote
« dnia: 14-10-2008, 09:17:28 »
Adoro te devote, latens Deitas,
Quae sub his figuris vere latitas:
Tibi se cor meum totum subiicit,
Quia te contemplans totum deficit.    

Visus, tactus, gustus in te fallitur,
Sed auditu solo tuto creditur;
Credo quidquid dixit Dei Filius:
Nil hoc verbo Veritatis verius.    

In cruce latebat sola Deitas,
At hic latet simul et humanitas;
Ambo tamen credens atque confitens,
Peto quod petivit latro paenitens.    

Plagas, sicut Thomas, non intueor;
Deum tamen meum te confiteor;
Fac me tibi semper magis credere,
In te spem habere, te diligere.    

O memoriale mortis Domini!
Panis vivus, vitam praestans homini!
Praesta meae menti de te vivere
Et te illi semper dulce sapere.    

Pie pellicane, Iesu Domine,
Me immundum munda tuo sanguine;
Cuius una stilla salvum facere
Totum mundum quit ab omni scelere.    

Iesu, quem velatum nunc aspicio,
Oro fiat illud quod tam sitio;
Ut te revelata cernens facie,
Visu sim beatus tuae gloriae. Amen.

Polskie przekłady tego hymnu można znaleźć następujące:
1. Zbliżam się w pokorze i niskości swej
2. Kłaniam się Tobie, Boże nieskończony
3. Kłaniam Ci się pokornie
4. Padam przed Tobą Boże utajony
5. Kłaniam Ci się nabożnie Boże utajony.
« Ostatnia zmiana: 14-10-2008, 09:34:34 wysłana przez knrdsk1 »