X.M.M.Mioduszewski: Pieśń ta czyli Proza Adwentowa, śpiewa się na Roratach przed Ewangeliją; a po każdej jej strofie, lud wszystek śpiewa jedną strofę Pieśni: Zdrowaś bądź Maryja.1. Mittit ad Virginem non quemvis Angelum: sed fortitudinem suum Archangelum, amator hominis.
2. Fortem expediat pro nobis nuntium: naturae faciat ut praejudicium, in partu Virginis.
3. Naturam superet natus Rex gloriae: regnet et imperet, et zymascoriae tollat de medio.
4. Superbientium terat fastigia: colla sublimium calcet vi propria, potens in praelio.
5. Foras ejiciat mundanum principem: Matremque faciat secum participem, Patris imperii.
6. Exi qui mitteris haec dona dicere: revela veteris velamen literae, virtute nuntii.
7. Accede nuntia, dic ave cominus: dic plena gratia, dic tecum Dominus et dic ne timeas.
8. Virgo suscipias Dei depositum: in quo perficias castum propositum et votum teneas.
9. Audit et suscipit puella nuntium: credit et concipit et parit filium, sed admirabilem.
10. Consiliarium humani generis: et Deum fortium et patrem posteris, in fide stabilem.
11. Qui nobis tribuat peccati veniam: reatus deleat et donet patriam in arce siderum. Amen.
